利寶閣 (已結業)

呢间酒楼成日都有唔同主题嘅放题。今次主题系奄仔蟹🦀。一个价钱任食奄仔蟹、片皮鸭、中菜、火锅SRF和牛。每位仲有一盅鲍鱼佛跳墙。入座后先送上一客片皮鸭。鸭肉烧得香，脂肪唔多，鸭肉结实但唔嚡口。今次试咗清蒸同花雕奄仔蟹。清蒸最食到奄仔蟹嘅鲜味。但反而冻食嘅花雕奄仔蟹更有惊喜。蟹膏蟹肉都吸收晒花雕酒嘅香味。每枱都有一个粥底火锅🍲。除咗火锅SRF和牛系需要落单，其他火锅料都系自助拎。任食嘅食品有可以喺buffet枱拎，有啲要用纸落单。比较推介蒜茸蒸扇贝。扇贝鲜味之余仲充满蒜香。另一款encore咗嘅系炸虾多士。口感松脆又带点弹牙。