影片
更多
2023-09-01
1474 浏览
灏3小时韩烧放题 $298/位最近同朋友去咗尖沙咀嘅灏食韩烧。好耐冇去韩国，嚟呢度过吓瘾都几好，嚟到仲见到有啲韩国客人添！我哋叫咗放题套餐，任食慢慢拣！肉类和蔬菜都好新鲜，仲有唔同嘅酱汁配菜。肉类都腌好晒，全部都好有风味。啲肉肉放喺烧烤炉上慢慢烤熟，钟意食几成熟都得啦！佢地个炉好得意，啲肉放喺上边转吓转吓慢慢烤热，冇真火咁猛，咁嘅烹调方式保留咗肉类嘅鲜美口感，juicy！肉类选择好多㗎，猪肉嚟讲有五花腩、辣味猪仔骨、原件猪颈肉、猪皮、猪大肠等等；牛肉嚟讲有酱腌牛仔骨、一口牛串烧等等；仲有香草羊鞍、鸡髀肉串烧、免治鸡肉棒、鱼、蔬菜等。食物种类多不胜数，但我地都差唔多试晒！猪肉嚟讲我最钟意五花腩，够肥美充满油脂咁烧完仲有啲焦香味添。牛肉嚟讲我最钟意牛仔骨，牛味好浓郁，香喷喷；羊架食落都易入口，唔会好膻。蕃茄仔好清甜，生食同烧咗都有唔同嘅风味。另外我都钟意啲菇同食鱼糕。唔讲咁多，大家快啲嚟试晒佢。$298呢个价钱包咗无酒精饮品任饮，真系好抵呀。如果中意饮酒加 $88就仲可以任饮啤酒、米酒、烧酒等等。我哋仲试咗老板娘介绍嘅花生味嘅米酒，好清新好特别！餐厅提供派对包场服务，除咗食嘢仲有唔同嘅娱乐
3小时韩烧放题 $298/位
最近同朋友去咗尖沙咀嘅灏食韩烧。好耐冇去韩国，嚟呢度过吓瘾都几好，嚟到仲见到有啲韩国客人添！我哋叫咗放题套餐，任食慢慢拣！
肉类和蔬菜都好新鲜，仲有唔同嘅酱汁配菜。肉类都腌好晒，全部都好有风味。啲肉肉放喺烧烤炉上慢慢烤熟，钟意食几成熟都得啦！佢地个炉好得意，啲肉放喺上边转吓转吓慢慢烤热，冇真火咁猛，咁嘅烹调方式保留咗肉类嘅鲜美口感，juicy！
肉类选择好多㗎，猪肉嚟讲有五花腩、辣味猪仔骨、原件猪颈肉、猪皮、猪大肠等等；牛肉嚟讲有酱腌牛仔骨、一口牛串烧等等；仲有香草羊鞍、鸡髀肉串烧、免治鸡肉棒、鱼、蔬菜等。食物种类多不胜数，但我地都差唔多试晒！
猪肉嚟讲我最钟意五花腩，够肥美充满油脂咁烧完仲有啲焦香味添。牛肉嚟讲我最钟意牛仔骨，牛味好浓郁，香喷喷；羊架食落都易入口，唔会好膻。蕃茄仔好清甜，生食同烧咗都有唔同嘅风味。另外我都钟意啲菇同食鱼糕。唔讲咁多，大家快啲嚟试晒佢。
$298呢个价钱包咗无酒精饮品任饮，真系好抵呀。如果中意饮酒加 $88就仲可以任饮啤酒、米酒、烧酒等等。我哋仲试咗老板娘介绍嘅花生味嘅米酒，好清新好特别！
餐厅提供派对包场服务，除咗食嘢仲有唔同嘅娱乐设施，一大班人可以唱下K同玩飞镖等等。
餐厅仲做紧生日优惠，喺生日月份去就可以星期一至四，4人同行，1人免费。星期五至日及假期，6人同行，1人免费。
张贴
