梨滿園韓國料理

营业中

休息中

原本喺美孚附近有一间好好味嘅韩国人开嘅韩国餐厅，但因为业主加租搞到韩国叔叔返韩国唔做，所以就好耐都无食韩国菜一排，不过入开科学园做嘢嘅时候醒起有韩国烧肉食，仲要有我钟意嘅韩式汤，所以就食埋嘢先返屋企。呢度除咗有韩烧外，仲可以有套餐，不过为咗唔使左拣右拣就选择咗放题，因为套餐嘅饭、面、汤都可以包埋。先点咗熟食医医肚，熟食有多个选择，点咗蛋卷、紫菜包饭同埋豆腐汤，豆腐汤味道同我之前喺美孚食𠮶间韩国人开韩国菜嘅味道好接近，忍唔住饮完一个再Encore。而烧肉方面有好多选择，不过主攻牛肉，第一转所有牛嘅肉类都点咗嚟试，最爱系牛仔骨，所以再Encore咗两次！饮品方面，汽水、啤酒系可以任饮，如果钟意一边食烧肉一边饮啤酒嘅人就啱哂！