影片
更多
2022-06-13
48 浏览
近期发现一间新派酒楼，位置好近新墟凯都戏院同新墟街市，装修几靓，一啲都唔似传统酒楼。有梳化、霓虹灯布置，感觉几舒服。而且餐牌有好多新派点心，令人好想去试下，包括黄沙润肠、南瓜煎堆仔、虾胶酿茄子、雪山叉烧包、虾将军炒肠粉、药膳鸡脚等。茶介都只系＄3，而且除咗传统中国菜，仲有日式玄米茶，热茶加上茶香，香味一直喺口腔徘徊，好正！
今次两个人食咗 7 碟，包括笼太子虾饺皇、鹌鹑蛋烧卖、名酱蒸凤爪、鲜虾菜苗饺、翡翠带子肠、海皇芝士千丝卷、多汁蟹籽小笼包等。临走𠴱阵，仲买咗鲜芒果布甸同椰汁桂花糕！（餐牌放文末）
笼太子虾饺皇 HKD 31
虾饺大粒，虾有鲜味及无雪味，唔加酱汁都得；
而且肉汁多，虾又大只爽口；
加上皮薄馅鲜、充满光泽感，唔会一夹起就穿，皮薄度轻轻透出虾饺肉，感觉 so good！
鹌鹑蛋烧卖 HKD 28
上枱已经闻到好香，鹌鹑蛋大大粒又几香；
咬开一半之后，烧卖都唔会散开；
蛋够熟，烧卖肉馅够滑，个口感唔错！
名酱蒸凤爪 HKD 23
呢个酱汁对比传统酒楼无咁浓味，配上软滑凤爪，再叹多啖茶，都舒服！
凤爪底仲有啲狗仔粉，捞埋个汁食，正！
鲜虾菜苗饺 HKD 2
笼太子虾饺皇 HKD 31
虾饺大粒，虾有鲜味及无雪味，唔加酱汁都得；
而且肉汁多，虾又大只爽口；
加上皮薄馅鲜、充满光泽感，唔会一夹起就穿，皮薄度轻轻透出虾饺肉，感觉 so good！
鹌鹑蛋烧卖 HKD 28
上枱已经闻到好香，鹌鹑蛋大大粒又几香；
咬开一半之后，烧卖都唔会散开；
蛋够熟，烧卖肉馅够滑，个口感唔错！
名酱蒸凤爪 HKD 23
呢个酱汁对比传统酒楼无咁浓味，配上软滑凤爪，再叹多啖茶，都舒服！
凤爪底仲有啲狗仔粉，捞埋个汁食，正！
鲜虾菜苗饺 HKD 24
估唔到有呢款饺子，一笼有 3 件，同样都系皮薄、通透、有光泽；
菜苗同肉馅比例平均，口感几滑，而且够多汁，值得一试！
翡翠带子肠 HKD 27 未试过呢款肠粉！一碟有好多件，每件都有带子同秋葵馅，分布平均； 估唔到呢两款食材放埋一齐又几夹！ 我平时好少特登去食秋葵，而家放入肠粉里一齐食，感到唔怪，仲食到秋葵香味！ 每件肠粉至少都有2～3粒带子，爽口无雪味，几特别。
海皇芝士千丝卷 HKD 27 千丝卷内有虾、芝士，口感爽口又湿润； 外层有炸得香脆同干身嘅粉丝，连埋馅一齐咬，多重层次口感好特别。
多汁蟹籽小笼包 HKD 25 初时职员同我讲，隔离有喼汁同豉油，不过我最后都无沾酱汁； 因为小笼包里都有浓郁汤汁，好够味，唔需要额外酱汁。 而且小笼包皮薄，仲有细钖纸盘载住，唔怕一夹起就穿啦！ 肉馅软滑又够味，配埋汤汁一齐食，爽！
整体送餐及上菜速度快，唔需等好耐；
仲要茶介只系 3 蚊，唔驶加一，仲有咁多款新派点心，值得试！
张贴
