活一鮮

营业中

休息中

之前路过依间餐厅已经想去试食，今个星期六午餐时间终于入去试下。下昼一点左右已经好多客，我地好在有位坐。见到个set lunch menu已经觉得好抵，当然非商业区一定抵食d。我叫左个活一鲜特上丼，系最贵嘅刺生丼，都只系$138。男朋友叫嘅三色丼只系$98。落完单即刻就上沙律同面鼓汤，沙律菜加胡麻酱，细细碗，味道正常。汤未饮完就上丼，刺身新鲜，份量好足。我个特上丼有牡丹虾、吞拿鱼腩蓉、带子、三文鱼子、蟹子、蟹膏、细细只蟹钳、油甘鱼、三文鱼腩同北寄贝，好丰富。可惜无海胆，我应该问佢有无海胆先。不过都好满足，清晒成碗饭。三色丼有吞拿鱼腩蓉、带子同三文鱼腩，份量一样足，男士食都够饱。食完侍应都有礼貌咁送客，服务几好，会再帮衬。