武館 (已結業)

睇报纸讲过呢间武馆，有成只既活海胆食，本身又钟意食日本野，就 book 左位黎试。我地六点半就到左，一入去见到师傅拆紧箱，原来所有食材都系当日六点先由日本运到，劲新鲜。全部都系成条鱼即㓥，所以每道菜上之前都需时。不过食 Omakase 就系咁先够风味。一边等食一边饮下冲绳 Orion 啤，仲系用冻杯出，好有 heart。当晚食左十几样野，有沙律，鱼生有金目鲷，池鱼，深海池鱼，大拖罗，牡丹虾，原只海胆，岩蚝，喜知次等等，之后仲有好几件寿司，拖罗手卷，最后有个鱼汤系用晒成晚既鱼骨煮出黎，好浓好正。样样野都好新鲜好好食，最深刻系个喜知次。师傅烧过个鱼既皮，哗，D 油即刻流晒出黎，劲香劲浓味。仲要连条鱼都有出世纸，好坚环境方面就有少少迫，当晚坐满 10 位，去厕所要其他人让一让先得，不过都唔大问题。最有趣系原来呢间铺好多客都会由唔识变到识，一齐饮酒食野就会倾起计上黎，好有日本小店既感觉。埋单野食一个人一千松 D，啤酒四十几蚊一大杯，我问师傅有冇计少，咁既价钱都可以食到咁多日本鱼生仲要即日直送。想唔再黎食都唔得啦。