影片
更多
2017-12-11
40 浏览
朋友公司曾经食过呢间餐厅嘅生蚝到会，佢哋超级推荐，话啲生蚝新鲜抵食，所以我哋今日到来时试吓。铺头位置虽然唔算方便，但系都好易揾，入面大概坐到五六枱，算系小店。黎到主要目的都系想食生蚝，但系我哋对生蚝冇乜认识，所以都系交俾店员拣。佢帮我地拣左四款生蚝同埋一啲刺身，果盘海鲜上枱嘅时候视觉效果非常震撼。个盘分为两集，下层就摆四款生蚝加蚬同海胆，而上层就摆海虾同埋一只新鲜海胆。佢呢度服务非常好，店员帮我地拣咗一款美国生蚝同埋三款法国生蚝，亦都系由佢嘅味浓度到去排列，由最淡嘅开始食起。最淡味嘅系美国既Honey Point，佢冇乜海水味，但系就非常鲜甜同清淡。之后就系法国嘅Lambert，比起Honey Point，佢多左少少海水味，但系本身蚝既味道都系偏淡既。第三款系Majestic，蚝本身味浓，海水味亦都重，有少少复杂既味道。最后一款就系超巨大嘅La Perle Noire，佢比其他三款差唔多大三份一，肉鲜甜得来海水味亦都重。店员仲教我地用叉刮埋果粒生蚝入面嘅"带子"嚟食，可以增加生蚝嘅口感。之后就系马粪海胆刺身同埋新鲜海胆刺身，新鲜海胆刺身比起一版版嘅刺身的确系更加新鲜，不过两款都超级甜，
铺头位置虽然唔算方便，但系都好易揾，入面大概坐到五六枱，算系小店。黎到主要目的都系想食生蚝，但系我哋对生蚝冇乜认识，所以都系交俾店员拣。
佢帮我地拣左四款生蚝同埋一啲刺身，果盘海鲜上枱嘅时候视觉效果非常震撼。个盘分为两集，下层就摆四款生蚝加蚬同海胆，而上层就摆海虾同埋一只新鲜海胆。
佢呢度服务非常好，店员帮我地拣咗一款美国生蚝同埋三款法国生蚝，亦都系由佢嘅味浓度到去排列，由最淡嘅开始食起。最淡味嘅系美国既Honey Point，佢冇乜海水味，但系就非常鲜甜同清淡。之后就系法国嘅Lambert，比起Honey Point，佢多左少少海水味，但系本身蚝既味道都系偏淡既。第三款系Majestic，蚝本身味浓，海水味亦都重，有少少复杂既味道。最后一款就系超巨大嘅La Perle Noire，佢比其他三款差唔多大三份一，肉鲜甜得来海水味亦都重。店员仲教我地用叉刮埋果粒生蚝入面嘅"带子"嚟食，可以增加生蚝嘅口感。之后就系马粪海胆刺身同埋新鲜海胆刺身，新鲜海胆刺身比起一版版嘅刺身的确系更加新鲜，不过两款都超级甜，餐厅仲有俾啲紫菜我哋夹埋一齐食，我都系第一次咁食，紫菜同海胆非常夹。个盘入面仲有象拔蚌切条，平时象拔蚌切到一片片咁，但系佢呢度就切到一条条，口感爽口啲。虾方面有三种虾，地中海红虾，纽西兰深海龙虾仔Scampi，法国蓝虾。听讲香港唔系好多地方有得食呢种Scampi，个样睇落有少少似赖尿虾，佢三种虾都非常鲜甜，虾头入面d虾膏好似大闸蟹啲膏咁浓郁，唔会好似平时啲虾头咁有赞苦味。仲有北海道带子同埋车厘蚬，车厘蚬有啲似生蚝，但系口感复杂啲，海水味亦都几浓。净系食海鲜唔够饱，所以我哋都叫咗啲汤同熟食。
分别叫咗清酒煮bb青口同埋纽西兰刀背蚬汤，两款汤都系用清酒同白酒煮嘅，有海鲜嘅甜味，清酒嘅味道都饮得出，蚬同青口都好甜。
熟食方面有个黑松露酱黑毛猪，猪肉非常结实弹牙，但系一啲都唔鞋，猪肉中间仲有少少粉红色，增加啲嫩滑嘅口感。
之后系鹅肝意粉，两大旧鹅肝摆喺意粉上面，鹅肝入口即溶，再加埋啲杂菇系意粉入面，一啖鹅肝一啖意粉，非常惹味。
最后就系一个黑松露蟹肉意大利饭，店员话啲米系由意大利运来，比较硬，不过配合香港人口味，煮得比较软，饭入面有啲蟹肉同蟹膏，即使黑松露味道浓郁，仍然唔会盖过蟹嘅味道。
非常满意嘅一餐饭，如果之后有机会都会想试吓佢啲生蚝到会，价钱睇落都非常抵。
张贴
