影片
更多
2019-03-11
475 浏览
见餐厅新年期间推出左个好丰富嘅二人套餐 ，有烧鱼、鱼生饭同埋甲罗烧，仲有成板海胆送。两个人份量夹埋都系400几蚊而且唔使加一，即刻同朋友去试。甲罗烧香浓蟹膏上面舖了满满的蟹子、蟹肉同香葱，食落口感好丰富。蟹肉唔霉好鲜味，用来捞饭一流。鱼生饭几款刺身都好新鲜，完全无雪藏嘅味道。虾同带子弹牙鲜甜，三文鱼肥美。套餐仲包埋足足有一板咁多嘅海胆，虽然唔算特别鲜甜但无苦涩味，不过不失。另一款鱼生饭本身就有海胆，同成板上嘅个种海胆比较系大块啲。鱼生饭上面个只食落口感creamy，更加鲜味。饭面头嘅刺身份量都唔少，性价比算系几高。最令人满意嘅系烧三文鱼鲛，餐厅师傅烧鱼个阵火喉掌握得好好，烧至外皮香脆而鱼肉则好嫩滑，一边夹一边就溢出好香既鱼油。另一条赤鱼烧出嚟虽然唔够三文鱼咁有油香，啲肉亦都比较结实，但整体都烧得好好味，两条鱼好快就比我地KO左。套餐太丰富，仲有两碗落足萝卜同海带煲嘅面豉汤，唔系普通用水冲开即饮𠮶种。两个人食到最后已经有十成咁饱，捧住个大肚腩好满足咁离开餐厅。下次经过呢边都会再嚟试下咁抵食又好味道嘅鱼生饭同烧鱼。
甲罗烧
香浓蟹膏上面舖了满满的蟹子、蟹肉同香葱，食落口感好丰富。蟹肉唔霉好鲜味，用来捞饭一流。
鱼生饭
几款刺身都好新鲜，完全无雪藏嘅味道。虾同带子弹牙鲜甜，三文鱼肥美。套餐仲包埋足足有一板咁多嘅海胆，虽然唔算特别鲜甜但无苦涩味，不过不失。
另一款鱼生饭本身就有海胆，同成板上嘅个种海胆比较系大块啲。鱼生饭上面个只食落口感creamy，更加鲜味。饭面头嘅刺身份量都唔少，性价比算系几高。
最令人满意嘅系烧三文鱼鲛，餐厅师傅烧鱼个阵火喉掌握得好好，烧至外皮香脆而鱼肉则好嫩滑，一边夹一边就溢出好香既鱼油。另一条赤鱼烧出嚟虽然唔够三文鱼咁有油香，啲肉亦都比较结实，但整体都烧得好好味，两条鱼好快就比我地KO左。
套餐太丰富，仲有两碗落足萝卜同海带煲嘅面豉汤，唔系普通用水冲开即饮𠮶种。两个人食到最后已经有十成咁饱，捧住个大肚腩好满足咁离开餐厅。
下次经过呢边都会再嚟试下咁抵食又好味道嘅鱼生饭同烧鱼。
张贴
