撈得喜火鍋冰室

营业中

休息中

去左朗屏站附近既任食火锅，佢同一个价钱可以拣火锅或者烤鱼，两者都可以任食火锅配料，咁我唔食徥辣，就叫左锅酸菜鱼。佢正价时段$198 /人，早/晏啲食就$178。人均二百可以有烤鱼同任饮任食好抵了。火锅料区都好多选择，最抵系有海鲜：鱿鱼、虾、蚝同蚬。牛都有肥牛同唔知咩部位既牛。条烤鱼好巨型，鱼肉够滑👍🏻海鲜几新鲜，烚完无乜缩水。饮品除左罐装仲有茶，食食下伙记仲推左一车水果茶出黎，夏天饮好消暑。佢地拎酱料个位仲有得拎麻辣云耳、秋葵、响铃同鱼皮。甜品就系多款口味既雪糕，几好食。就连平日晚上都坐满人，走完一枱又黎一枱人，建议黎前先订枱。