漁牧 (已結業)

过开黎尖沙咀开工，系茶记又无位，乱打乱撞，估唔到渔牧午巿都有得食。之前黎食开晚巿，佢既川菜同埋辣嘢都好正！唔知午巿又会点呢？睇过个价钱牌，又几抵食，茶记价钱的客饭，只系五六十一个SET，有埋嘢饮，都可以一试。青瓜云耳炒鲜鱿套餐想要清清地，咁食呢个都唔错。食起上黎味精味又唔多觉，我谂想要健康既女仕们系比较啱食呢个套餐。因为食材都系菜类为主，味也不会太浓。鸳鸯酸豆角肉沫套餐想要重口味，可以食呢个。啱晒大男人，因为够晒味浓，都有著川菜的特式。微辣，有著惹味的肉碎，加上了豆角，酸酸辣辣的，配上两三碗饭都得。咖喱牛根腩套餐呢个系我觉得最好食的。因为够晒香浓惹味，同埋辣度都啱啱好。份量都唔细，同啲饭系分上。入面既牛筋及牛腩都有好多旧，牛腩都够晒腍，唔会鞋，啱晒口味！