八道餐廳 (已結業)

其实我自己算系呢度既常客，因为八道真系又抵食味道又算唔错，但唔知点解即使系平日既中午放饭时间都唔算多人，我今日十二点几黎都叫有位。佢既午餐餐牌每星期都会转，可以保持新鲜感，而今日我叫左卡邦尼烟肉意粉，加一蚊可以有多个芒果啫喱冰，真系几抵。然后佢等左唔洗十分钟就上菜，呢点比之前食既加多乐冰室真系好唔少。上黎既卡邦尼意粉仲要有只蛋，呢点真系意想不到，不过只蛋如果熟多少少就好了，但整体黎讲都算好食，而加埋个啫喱冰先39蚊，如果有买connect card仲可以九折，以午餐计真系抵到烂！