禮記自助蒸氣鍋 (已結業)

今次又系同友人既每月一聚，今次拣佐礼记，因为见评语大致上都唔差，都抱住一试无仿既心态去食。。系德福商场行过去大约10分钟左右，有条楼梯行上去既。上到去位置都几大，但可能平日既关系，晚上食客唔多，唔知系咪因为咁，冷气开唔够，搞到食既同时都几热下，讲真打边炉系好热，仲要蒸气火锅，冷气唔够真系好大败笔，呢个算系今餐晚饭唯一令我不满既地方。讲番野食方面，一坐低侍应姐姐走黎问我地要普通打边炉定蒸气火锅，咁我地一心都系想上蒸气火锅，咁紧系唔拣打边炉形式啦，接著侍应姐姐又问我地加唔加一窝粥底，我地心谂冇咩所谓啦，就决定加埋。野食系自助形式既，都几多款选择，仲有个小形烧烤位，可以将鸡翼牛扒摆上去烧，至于我地唔想咁热气就决定蒸😆😆😆饮品都好多选择丫，纸包罐装什至韩式饮品都有。其实食佐两round都饱饱地，决定食粥，叫侍应姐姐帮手打开个盖，哇！好多粥丫，我地就出去拎佐少少配料同葱花去煲，可能之前已经索佐好多精华，个粥底偏咸，但味道ok既。最后食饱饱地埋单，哇，127蚊一个人？讲真咁既价钱食蒸气火锅真系好抵。下次有机会会再食多次😋😋