No.5 Italian (已結業)

呢间意大利餐厅开喺世贸中心内，通常喺商场内既餐厅既食物水准都系麻麻，冇乜太大期望。餐厅环境舒适，配以暗淡既灯光，颇有格调。侍应服务细心有礼，但好似唔系几够人手，佢地好忙碌，好不容易先至叫到佢地。我叫咗「慢煮石斑柳」，估唔到石斑的肉质嫩滑，冇骨，分量适中，油份也适中，配以清甜软淋既红萝卜，十分清新，如有多D蔬菜会更好。Set lunch竟然仲有甜品，系brownie，以为会好漏，好彩细细件，朱古力味香浓可口，配以酸酸地既水果，减低甜漏感。HK$100楼下既意大利set lunch，有汤，有主菜，又有甜品，高水准，用一个字去形容呢餐，就系「抵」！