影片
更多
2022-07-20
1050 浏览
呢间「町町丼丼」有好几家分店，之前帮衬过观塘𠮶间，最近路经海湾街，发现原来呢度都开左一间，趁今日 lunch time 有空档，专登过嚟买外卖。丼饭有好几个唔同系列，当中包括日式咖喱、手撕鸡、滑蛋、汤锅等，另外亦有沙律同日式小食可供选择，外卖自取更可享 65 折，非常抵食！点左个咖喱吉列猪扒丼、大盛双层鳗鱼丼 同 两款小食。咖喱吉列猪扒丼 ($49) 猪扒炸至金黄色，外层嘅炸浆非常薄身，入口香脆松化，唔会食到满口油脂。咖喱汁味道亦一流，杰身带甜，且辣度温和，用嚟点猪扒同捞饭啱啱好。大盛双层鳗鱼丼 ($79) 鳗鱼份量十足，有两大块，鱼肉滑溜不腥，肉质肥美，入口微甜带焦香。酱汁嘅味道亦唔错，甜美可喜，同鳗鱼嘅鲜味超夹！饭粒饱满，充满米香，加上索晒鳗鱼汁嘅精华，啖啖滋味。一口芝士年糕 ($42) 芝士年糕一份有 3 只，外层炸得很脆口，年糕烟烟韧韧，内里嘅芝士咸香不腻，咬开更有流心芝士效果，芝士控必试！唐扬炸鸡配黑椒蛋黄酱 ($38) 炸鸡即叫即炸，吃时仍热辣辣，酥脆可口，肉嫩又 Juicy。蛋黄酱甜中又带点辛香，用嚟配炸鸡吃，惹味非常。
呢间「町町丼丼」有好几家分店，之前帮衬过观塘𠮶间，最近路经海湾街，发现原来呢度都开左一间，趁今日 lunch time 有空档，专登过嚟买外卖。
丼饭有好几个唔同系列，当中包括日式咖喱、手撕鸡、滑蛋、汤锅等，另外亦有沙律同日式小食可供选择，外卖自取更可享 65 折，非常抵食！
点左个咖喱吉列猪扒丼、大盛双层鳗鱼丼 同 两款小食。
咖喱吉列猪扒丼 ($49) 猪扒炸至金黄色，外层嘅炸浆非常薄身，入口香脆松化，唔会食到满口油脂。咖喱汁味道亦一流，杰身带甜，且辣度温和，用嚟点猪扒同捞饭啱啱好。
大盛双层鳗鱼丼 ($79) 鳗鱼份量十足，有两大块，鱼肉滑溜不腥，肉质肥美，入口微甜带焦香。酱汁嘅味道亦唔错，甜美可喜，同鳗鱼嘅鲜味超夹！饭粒饱满，充满米香，加上索晒鳗鱼汁嘅精华，啖啖滋味。
一口芝士年糕 ($42) 芝士年糕一份有 3 只，外层炸得很脆口，年糕烟烟韧韧，内里嘅芝士咸香不腻，咬开更有流心芝士效果，芝士控必试！
唐扬炸鸡配黑椒蛋黄酱 ($38) 炸鸡即叫即炸，吃时仍热辣辣，酥脆可口，肉嫩又 Juicy。蛋黄酱甜中又带点辛香，用嚟配炸鸡吃，惹味非常。
张贴
