野菜咖喱事務所 Curry Man (已結業)

野菜咖喱事务所，一个非常日本嘅名字，估唔到系一间隐身喺地茂商场向街一角嘅小店。店入面基本上冇座位，要堂食嘅话，就只有喺店出面行几张枱。之前几次经过，天气太热，唔想坐喺街食，今日秋分，开始微凉，终于的起心肝试咗。睇评论话呢度嘅招牌菜 “一日野菜咖哩饭” 有成九款蔬菜，好吸引，不过今日好肚饿，想食肉，于是叫咗野菜咖喱牛肋条饭。咖喱采用咗喺日式超市最常见嘅好侍同 Topvalu，味道虽然唔算好香浓，不过都煮得稀稠适中，咖喱味微辣带甜，唔错。配料方面，薯仔，红萝卜同牛肋条粒都煮得软腍入味，好食😋，特别系后者，啖啖肉，牛味亦浓，最啱我呢啲牛魔王嘅口味。成个饭，大大碟，汁多𩠌多，仲用埋珍珠米，送埋杯无糖绿茶，晚餐都系四十零蚊，真系抵过自己煮😆，据闻下午茶时间仲会平多十几蚊，真系唔知老板有冇钱赚😳。