紅米 (已結業)

约咗人系附近倾野，早上做完野就搭车赶过黎系附近揾野食，咁啱行到呢度，餐厅装修colourful,家庭餐厅感觉，见到门口价钱牌都唔太贵，就入去试下，1点几餐厅近乎爆满，得bar枱位坐，我谂真系太忙，想拎个餐牌睇下都等咗几分钟先有人睬我😶，唔明点解唔印多d放系每个位。本身见唔到有lunch set,好彩侍应提一提，差d叫贵咗lunch set包热饮，有少少沙律，味道正常，蛋包饭有得㨂加咩汁，我后悔望咗隔离个人拣错汁，黑椒汁较重口味，盖过咗蛋包饭未身既味道，应该㨂茄汁好d,抄蛋整得实，唔会水，但系饭有d淋，有部分变咗浆状，硬身d会好食d，炸虾较多粉，龙利柳好少少。成个饭长形碟望落好似好多，不过食份量唔系想像既咁多，但仍然系正常份量，食得几饱，整体黎计味道份量价钱都合理，食得过。餐厅位排得好密，张枱放得好近收银枱添，路较窄，行出行入要小心，客人流量多，不过都唔会话赶你走，几个朋友坐卡位食个饭倾下计既好选择