焰拉麵 (已結業)

礼拜日瞓得晏，早午餐都无食，于是下午茶食饱少少补数，起初谂唔到食乜，行过焰拉面附近，心谂距离上之帮衬都起码大半年前，即管试下大半年后有无乜变化先。原来依家叫个面加$20可以转套餐，套餐包括沙律，玉子，extra面底，饮品，仲有泡芙。落单等咗一阵，先送上一支冰冻玻璃樽细可乐，日式沙律就好快送上，味道是少少酸，作为开胃菜没什么可以挑剔，新鲜正正常常。而同时间也送上味付玉子，习惯留待拉面送上时再一齐吃，蛋看似外面有腌味道，但其实入口又感觉唔到有乜味，咬一啖蛋黄鲜红流心，生熟程度对板，整体而言合格，只是比预期淡味。食完沙律多等大约五分钟，拉面就好快送上，汤系够热嘅，两大片紫菜，有啲笋条，粟米粒，葱粒，葱白丝，叉烧份量足，落单时要求浓汤中油硬面，汤质感好杰好浓，但入口又无预期重口味，整体唔算油腻，面嘅硬度合乎要求，叉烧其实似扣肉多啲，好「林」好软，肥肉部份入口即化，瘦肉部份味道略嫌不足，但整体上份量够厚，甚是满足，吃上几口，extra面底都送上，份量真系唔少，基本上应该系完整一个面底送上，面睇到系刚煮热，我用极快速度先食完原本个面再加入个extra面底，混和余下嘅汤，刚好食完晒面又饮完个汤，准备