Tonkotsu 8 by 三田製麵所 (Citylink)

营业中

休息中

经过沙田连城广场，饿饿地上去一楼睇下有咩好食先，半年无嚟过，原来好多食店都转晒啦，见到有间食拉面的，就拣依间啦。两个人点咗叉烧炸鸡拉面、炸鸡香辣捞面及炸鸡中翼，份量刚刚好。叉烧炸鸡拉面叉烧水准不错，炸鸡如果可以分开上就比较好，唔会浸落汤令炸鸡变腍，鸡皮香脆、鸡肉嫩滑，面底可拣硬、软或适中，我拣咗适中，挂上猪骨浓汤好好味。炸鸡香辣捞面辣味不算太突出，将鸡蛋、沙律酱及紫菜拌入捞面，令面质口感层次更鲜明，味道即时提升。炸鸡中翼点菜时忘记了，原来全部都系炸鸡，返屋企要煲返凉茶下下火。