芯 (已結業)

同朋友黎左呢度食lunch，每人都各自点左一个set，份量都够晒大，不过串烧就略嫌普通咗啲。照烧鸡扒丼（$65）超大碗鸡扒丼🙀煎鸡扒成个手掌咁大咁厚，满满既蛋白质😂鸡皮都煎得好脆，上面淋满咗照烧汁，捞埋下面嘅珍珠米超惹味，仲送左个前菜系我好钟意食既中华沙律沟冷面，食完个饭就会上一碗面豉汤，成个set都几抵。铁板烧安格斯肉眼便当 （$98）呢个系用个木盒便当装住，成个presentation几靓，一个盒系放牛肉同饭，另一个系薯仔沙律🥗份量都好大。串烧拼盘（$88）拼盘有牛舌、鸡肉、猪肉同牛肉，牛舌系最好食，超级厚身，食落啖啖肉同埋充满油香，其他就普通质素。