燒肉酒場 (已結業)

今次食lunch就揾到呢间系永光中心10楼既『烧肉酒场』。上到去先知，呢间日式烧肉系主打成吉思汗烧肉，之前从来未试过。上网search下资料，成吉思汗烧肉原来系源自北海道，而且特式系食羊肉。对于中意食羊既我，就真系啱晒喇。由于我咩都想试啲，所以就叫左：蒙古羊卷肉，蒙古羊架，羊汤乌冬，壶渍牛肋条，伊比利亚梅头扒，仲有一份鸡软骨小食，另外仲叫左支信州苹果梳打添。先讲羊既部分，羊卷肉够晒酥味，加埋佢特制既『成吉思汗粉』一齐食，更加好味。（成吉思汗粉有少少似孜然粉，不过就无咁重味，无咁容易觉得口喝）。羊架都系好唔错（好似加左成吉思汗粉就咩都好食啲咁😂），不过要提下大家，烧既时候要确保够熟，因为羊架肉比较厚。跟住就到羊汤乌冬，呢个菜式都系第一次试，个汤饮落令我联想起糊椒猪肚汤，可能因为落左黑椒同有羊酥味既关系啦，不过的确系值得一试既。跟住就到壶渍牛肋条，呢个又系好唔错，食落啲酱汁系会令你食唔停口。而我觉得全餐既精选就一定系呢牌梅头扒，佢食落好稔，而且肉味好够。如果再食，呢个一定要encore。