燒肉一番 (已結業)

日式烧肉（日烧）同韩式烧烤（韩烧）最大分别应该系腌料同配菜。日烧一般都系冇腌制过，全靠本身原汁原味，所以肉质系关键。而另一分别系份量，日烧适合「孤独的美食家」，韩烧就适合「合家欢」。今日嚟到烧肉一番就系日烧代表喇！佢哋主打平价亲民，所以有好多学生帮衬。今次都系由家中后辈介绍过嚟。👍🏻烧肉一番嘅肉类分为100g / 200g / 300g，可以散叫肉类，或者加少少钱叫套餐，套餐包括前菜、面豉汤、白饭（可加$升级丼饭，汤乌冬，加$享半价饮品），另外套餐包一款小食或者50g 牛胸腹。套餐价钱由最平嘅$49 起，自由配搭，丰俭由人。肉质方面，因为本身冇腌制过，主打一个原汁原味。老实讲一分钱一分货啦！牛小排，牛板睷虽然贵少少，但肉味比较浓郁。牛胸腹似一般肥牛，肉质较粗。推介系牛舌，厚切豚五花，五花腩肥肥地，烧起嚟好香脆。价钱唔贵$6X 就食到。环境舒服，空间够大，唔会一屋油烟。服务一般般，唔好咁讲究，主打一个轻松自在，嚟多几次都唔会有负担。