東京築地拉麵 (已結業)

去开旺角行街，晚餐想食日本野但又唔想食得太贵，所以今日就嚟咗呢间日式餐厅食饭。近排天气实在太热啦，就唔系好想食咁多热辣辣嘅拉面，好彩餐厅都有其他饭类选择。入边地方唔算大，但啲座位都几寛敞，我哋一行两人叫咗个纯情豚肉生姜烧丼、筑地大盛牛丼同埋个蒜味牛柳粒。-纯情豚肉生姜烧丼唔知道个豚肉有几纯情啦😂原来系用咗岩手县嘅纯情猪，食落味道又真系唔错㖞，豚肉肥瘦适中，生姜味道几入味，好食。-筑地大盛牛丼牛肉片系和风嘅味道，配埋洋葱一齐食，好衬。饭上嘅半熟蛋有流心嘅感觉，而且酱油味好入味。虽然都系大路嘢，但整体都不错。-蒜味牛柳粒牛柳粒肉质软稔，加上脆炸蒜粒同埋芝麻，层次丰富。-饮品方面，我哋点左芦荟提子梳打冰同埋和歌山纪洲梅子梳打冰。提子梳打嘅渐变色好吸引，仲有粒粒果肉喺入边，口感丰富。梅子梳打冰饮落好有梅味，上面仲有一粒梅子作点缀，卖相吸引。