日和号壽司料理 (已結業)

位于九龙湾megabox嘅日和号近排做紧promotion， 寿司竟然半价咁抵食当然一定要去试下啦。 睇完menu发觉原来佢都好多寿司款式拣， 既然半价，都冇特别睇价钱就点咗一堆。超饱超抵食， 个人觉得佢嘅六吋三文鱼寿司十分值得推介，味道唔错，三文鱼十分新鲜，三文鱼有长长嘅拖尾， 感觉叫一件就好似有两件食一样。 另外佢嘅火炙左口鱼边都好好食， 入口即化。 海胆寿司十分新鲜一啲腥味都冇。 我哋另外亦都叫咗刺身，佢嘅鲍鱼好好食十分新鲜弹牙。 三文鱼腩油脂分布亦都十分平均。 佢嘅章鱼烧都唔错，食落就已经知系即叫即炸， 外脆内软。饮品方面我哋叫咗热玫瑰柚子蜜同梅子青柠梳打。 玫瑰柚子蜜嘅玫瑰味都几重，而且唔会觉得好人工味。 梅子青懧梳打青柠味好重，不过梅子味就唔太明显。整体嚟讲我觉得都几抵食。