影片
更多
2022-12-14
60 浏览
系Mega Box睇完戏，又揾下周围有咩好野食先~ 系戏院落一层有间日本餐厅日和号做紧半价刺身寿司promotion，即刻心心眼😍日和号既门面非常吸晴，门口有架火车头比大家打卡，小朋友实好钟意姐！室内环境都好特别，d卡位模仿车厢既设计，好似瞬间去左日本铁道旅行咁🚝♢ 🐠刺身我地点左4款刺身︰三文鱼腩 (4片)﹑带子(6片)﹑北寄贝 (6片)﹑油甘鱼(4片)满满一盘刺身好靓！份量仲唔少添~ 每样刺身都好新鲜，特别钟意厚切三文鱼腩，口感肥美，充满油脂！男朋友最钟意北寄贝，口感爽口。值得一赞既系点餐纸列明刺身份量，明码实价。♢ 🍣寿司▫️三文鱼：鱼纹清楚可见~ 本身想试6吋三文鱼，可惜晚市已经售罄。▫️八爪鱼：八爪鱼新鲜爽口。▫️芒果花之恋︰芒果好甜美，同三文鱼perfect match~ 一啖摆落口非常满足！▫️吉列炸虾︰虾都算大只，炸得够香脆。♢ 🔥火炙寿司▫️火炙三文鱼腩︰三文鱼够肥美，入口即溶，火炙完逼出鱼油更加香。▫️火炙左口鱼边︰火炙过后带出丰富既油脂感，焦香既味道再加埋d烧汁，非常正！▫️胡麻酱火炙帆立贝：估唔到加左胡麻酱味道又几特别，仲加左木鱼丝，有惊喜！▫️火炙柚子胡椒帆立贝：加左柚子调味
日和号既门面非常吸晴，门口有架火车头比大家打卡，小朋友实好钟意姐！室内环境都好特别，d卡位模仿车厢既设计，好似瞬间去左日本铁道旅行咁🚝
♢ 🐠刺身
我地点左4款刺身︰三文鱼腩 (4片)﹑带子(6片)﹑北寄贝 (6片)﹑油甘鱼(4片)
满满一盘刺身好靓！份量仲唔少添~ 每样刺身都好新鲜，特别钟意厚切三文鱼腩，口感肥美，充满油脂！男朋友最钟意北寄贝，口感爽口。值得一赞既系点餐纸列明刺身份量，明码实价。
♢ 🍣寿司
▫️三文鱼：鱼纹清楚可见~ 本身想试6吋三文鱼，可惜晚市已经售罄。
▫️八爪鱼：八爪鱼新鲜爽口。
▫️芒果花之恋︰芒果好甜美，同三文鱼perfect match~ 一啖摆落口非常满足！
▫️吉列炸虾︰虾都算大只，炸得够香脆。
♢ 🔥火炙寿司
▫️火炙三文鱼腩︰三文鱼够肥美，入口即溶，火炙完逼出鱼油更加香。
▫️火炙左口鱼边︰火炙过后带出丰富既油脂感，焦香既味道再加埋d烧汁，非常正！
▫️胡麻酱火炙帆立贝：估唔到加左胡麻酱味道又几特别，仲加左木鱼丝，有惊喜！
▫️火炙柚子胡椒帆立贝：加左柚子调味比较清新，带点胡椒香味。
▫️七味火炙鳕场蟹棒︰真蟹棒，唔系蟹柳黎架，加埋沙律酱好味！
♢ ⚓️军舰寿司
▫️三文鱼籽军舰︰三文鱼籽都几大粒，紫菜好爽脆！
▫️香葱吞拿鱼腩碎军舰︰吞拿鱼腩碎够新鲜，口感软绵绵，推介~
♢ 🐙八爪鱼小丸子
口痕想食下热野，半价小食得一款拣，不过胜左够平！面糊比较厚，章鱼口感爽弹，CP值ok！
♢ 🍹白桃乳酸梳打 ‧ 芒果梳打
两杯饮品都超大杯~ 白桃乳酸几正，乳酸味好出，有淡淡既白桃味。芒果梳打甜甜地，清新开胃。
日和号既刺身同寿司虽然做紧半价优惠，但系质素都保持水准，CP值唔错~ 最钟意佢既火炙寿司，款式都算多，而且烧得几香口。Mega Box无咩日本野食，如果黎到呢边又想食鱼生，不妨过黎试下！
张贴
