匠工房秀吉 (已結業)

下午茶时间去到九龙湾就谂住揾D小食医下肚，入到超市就比依间「匠工房秀吉」吸引住，呢度只有企位，开放式厨房，可以看到店员熟练地做章鱼烧、大阪烧、大判烧等。原本谂住单点章鱼烧，但见到套餐价钱也差不多，便叫了一个套餐D，有六粒章鱼烧及炒面（$36），份量也算是OK的。虽然炒面及章鱼烧都不是即叫即制，系放喺炉上面㷫住，但应该都系刚刚做好的，order 完好快就有得食。炒面：面炒得唔算多油，亦唔会太干，可惜唔够热，面条口感及味道都是一般。章鱼烧：好大粒，上面加左好多酱，烧汁、沙律酱及紫菜粉，丸子里面有原粒章鱼，虽然粉浆略为逊色，但整体味道也不错。最后临走前, 忍唔住再买左个吉士大判烧（$8）当甜品！吉士大判烧：皮有D淡但松软，吉士唔会太甜！