影片
更多
2010-06-05
17 浏览
我同细佬两个最中意食日本菜，所以经常系大角咀区内揾食最中意帮衬小台场同呢间尚汤，讲抵食呢间系首选！寻日先食完另一间，于是今晚就过黎帮衬。尚汤既价钱真系好实惠，而且又有水准，同区好难揾到一间唔驶加一既日本餐厅，晚餐价钱更同午餐一样，$3X一个定食有前菜、饭/拉面、甜品、饮品，都几够饱肚今餐我叫左铁板西冷扒饭($34)，细佬就叫左吉列猪扒饭($32)今日前菜有螺肉同中华沙律选择，甜品就系芒果柚子冻螺肉：味几好唔会过咸，比起坊间既货色好。铁板西冷扒饭(西冷扒:芥茉酱, 饭:烧汁)：铁板上真系香到不得了！出名同牛有仇既细佬见到咁吸引都好后悔冇叫 哈哈！ 不过卖相靓唔够，要试过先知得唔得…OH! 好耐未食过咁膻既牛肉!! (早几日系Hero食三文治又系膻…) 搞到我食左一啖就开始冇瘾 仲有佢d芥茉酱似沙律酱多d，失望! 而加左烧汁既饭就普普通通，其实点菜个时系口快快讲左烧汁，我想食咖喱多d，下次要记得！！ 希望个牛扒系个别问题，下次唔系咁。吉列猪扒饭(饭:烧汁)：佢既吉列猪扒一向有水准，我觉得好食过附近既猪XX家好多(个人觉得个间水准差左好多，因为唔系老板炸)，细佬话今日已经炸得冇咁好，但我依然
最中意帮衬小台场同呢间尚汤，讲抵食呢间系首选！
寻日先食完另一间，于是今晚就过黎帮衬。
尚汤既价钱真系好实惠，而且又有水准，同区好难揾到一间唔驶加一既日本餐厅，晚餐价钱更同午餐一样，$3X一个定食有前菜、饭/拉面、甜品、饮品，都几够饱肚
今餐我叫左铁板西冷扒饭($34)，细佬就叫左吉列猪扒饭($32)
今日前菜有螺肉同中华沙律选择，甜品就系芒果柚子冻
螺肉：味几好唔会过咸，比起坊间既货色好。
铁板西冷扒饭(西冷扒:芥茉酱, 饭:烧汁)：铁板上真系香到不得了！出名同牛有仇既细佬见到咁吸引都好后悔冇叫 哈哈！ 不过卖相靓唔够，要试过先知得唔得…
OH! 好耐未食过咁膻既牛肉!! (早几日系Hero食三文治又系膻…) 搞到我食左一啖就开始冇瘾 仲有佢d芥茉酱似沙律酱多d，失望! 而加左烧汁既饭就普普通通，其实点菜个时系口快快讲左烧汁，我想食咖喱多d，下次要记得！！ 希望个牛扒系个别问题，下次唔系咁。
吉列猪扒饭(饭:烧汁)：佢既吉列猪扒一向有水准，我觉得好食过附近既猪XX家好多(个人觉得个间水准差左好多，因为唔系老板炸)，细佬话今日已经炸得冇咁好，但我依然觉得好够脆，而且仲好滑同多汁，正！不过个人认为有一个特别既酱点下会更加好
芒果柚子冻：几特别，不过我同细佬都唔好柚子(沙田柚个只)，芒果味唔重，唔甜，麻麻地，之前食过一只系奇异果味既，好食好多
其实尚汤食物既选择唔算多，不过好在抵食同埋好味，
如果水准继续keep到又唔加价既话我都会帮衬既
题外话：其实之前系呢度都试过有一次唔系几愉快既经验，晚餐外卖炭烧鸡扒饭，要加3蚊，返到屋企先发觉冇前菜又冇甜品，鸡扒又得四小块，虽然味道一错但系真系觉得好唔抵，又唔够送饭，个次真系好嬲好嬲，所以都有成两个月冇黎帮衬喇。
张贴
