元札幌拉麵 (宇晴軒商場) (已結業)

放工经过宇晴轩商场，见到间装修好有日本风嘅拉面店，就入去试试。餐厅位置方便，荔枝角D出口一出，上电梯就见到佢。餐厅唔大，但系坐位阔落，坐得舒服。呢间日本餐厅主打拉面，不过今次我就特别啲叫左佢地嘅小食同饭。▶️咖哩饭 （大）🍛咖哩味道唔错，唔会好辣亦唔会过咸，而且好足料，有好多牛肉、红萝卜、薯仔，捞饭超惹味，自己一个好快就食哂成碗饭。▶️烧鱿鱼须🦑唔算好大碟，但够哂我食。鱿鱼须烧得岩岩好，好好味😋，佢地落左麻油同啲脆脆，个配搭非常香口。▶️生啤🍻咁热嘅香港紧系要叫杯冻饮，而且食日式小食一定要配啤酒先够风味，大大杯又够冻，一啖鱿鱼须一啖啤酒，Perfect!其实佢仲有其他晚餐优惠，例如拉面配小食套餐，下次经过呢边会再嚟试下。