日本野 (已結業)

平时行街通常喺地舖揾嘢食多，但其实旺角都有好多楼上餐厅可以选择㗎。今次就去咗银城广场嘅日本野。佢嘅晚餐有埋饮品加面豉汤或者沙律，同朋友叫左两个 set share。石烧霜降牛小排定食望落去超吸引嘅牛小排，虽然牛唔驶全熟都食得，但系个人觉得烧熟啲嘅牛肉质较稔好食好多。碗饭上面有饭素，好有日式嘅风味。蒲烧鳗鱼定食佢好贴心咁另外上咗鳗鱼酱汁，所以根据个人喜好加啲酱汁落白饭度，入面有两旧鳗鱼，份量几足。一定要拣糖心蛋，好好食唔会好咸！芝士年糕平时去串烧店嘅最爱！$28有两件价钱合理，食落唔算好热，似炸完放左一阵，好彩入面嘅芝士仲有少少流心。和风柚子鸡翼个鸡翼系炸完之后再加左柚子酱，好多柚子酱系上面，味道甜甜地好开胃。仲有5只鸡翼够两个人食。