星月樓

营业中

休息中

爸爸話最近發掘到一間平靚正茶樓，一於嚟試試。中午前有抵食孖寶，所以10點幾就嚟到，門外有唔少人等位，但流轉都算快，大約10分鐘就可以入座。枱與枱之間無乜空間，好在2個人都可以坐4人枱有兩款特價孖寶，都係$26/$28喜歡食腐皮既一定會喜歡鮮竹卷，入面好足料，仲有少少莞茜味，唔錯唔錯。菜苗餃都好料，但個皮造得太淋，一咬有少少GEL住D牙，但都可接受的。炒米粉本身清清地，有菜絲蘿蔔絲同火腿絲，加埋辣醬就好惹味我同爸爸都十分喜歡燒賣，平時週末飲茶都要差唔多30蚊一籠，今次雖然係孖寶，但估唔到都係大大粒，味道都係正常以上，所以覺得好抵食。食特價嘢之餘都試下貴嘢，百花既蝦膠都算彈牙，加上面頭的蟹籽脆卜卜好好味。食完晒準備liu牙果陣發現哩間酒家用既牙簽包裝拍得住中高檔既食肆，再望下d餐具，雖然係街坊茶樓，但都唔碗碟杯都好完整無崩，所以相信哩間酒樓都有係細節到用心。2人食咗6個點心都只係139，我覺得都選係良心，而且整體味道都ok，絕對係可以再返轉頭既選擇。