影片
更多
2023-04-05
47 浏览
今日去开荃湾如心广场，见到呢间主打食星马菜既玖子茶，装修几特别几有情怀，于是就俾佢吸引咗入去。一坐低打开个menu，第一个感觉就系抵食！我地叫咗个煲仔药膳牛肋肉，咁啱今日天气冻返少少，食呢啲药膳煲可以暖下胃就啱啱好。汤底好足药膳味，仲有杞子，淮山等等。牛肋肉炆得啱啱好，够晒淋身，其他配菜腐竹同豆卜都炆得好入味。食得星马嘢，一定要试串烧！我地就叫左个沙嗲牛肉串烧，牛肉表面烧得微微焦香，入面够肉汁，点埋个沙嗲酱一齐好唔错。之后试嘅系胡椒猪颈肉粒蟹籽炒饭，一上枱就觉得大大碟同好足料，蟹籽同猪颈肉份量都多，食落有微微胡椒香，饭粒粒分明，炒得岩岩好，唔会太干身或太湿，有镬气，炒得好香。饮品方面我哋就叫咗美禄恐龙雪糕同桔仔话梅水，个美禄恐龙真系好邪恶，上面仲有大大旧朱古力雪糕😈 桔仔话梅水就金非常清热。最后仲叫咗个甜品，玖子茶煲！入面有大菜糕、雪糕、oreo同朱古力饼。就系因为佢一碗嘢入面有咁多料，所以食落口感几丰富，唔错
今日去开荃湾如心广场，见到呢间主打食星马菜既玖子茶，装修几特别几有情怀，于是就俾佢吸引咗入去。
一坐低打开个menu，第一个感觉就系抵食！我地叫咗个煲仔药膳牛肋肉，咁啱今日天气冻返少少，食呢啲药膳煲可以暖下胃就啱啱好。汤底好足药膳味，仲有杞子，淮山等等。牛肋肉炆得啱啱好，够晒淋身，其他配菜腐竹同豆卜都炆得好入味。
食得星马嘢，一定要试串烧！我地就叫左个沙嗲牛肉串烧，牛肉表面烧得微微焦香，入面够肉汁，点埋个沙嗲酱一齐好唔错。之后试嘅系胡椒猪颈肉粒蟹籽炒饭，一上枱就觉得大大碟同好足料，蟹籽同猪颈肉份量都多，食落有微微胡椒香，饭粒粒分明，炒得岩岩好，唔会太干身或太湿，有镬气，炒得好香。
饮品方面我哋就叫咗美禄恐龙雪糕同桔仔话梅水，个美禄恐龙真系好邪恶，上面仲有大大旧朱古力雪糕😈 桔仔话梅水就金非常清热。
最后仲叫咗个甜品，玖子茶煲！入面有大菜糕、雪糕、oreo同朱古力饼。就系因为佢一碗嘢入面有咁多料，所以食落口感几丰富，唔错
张贴
