樂天大喜屋 (已結業)

未试过同妈咪食放题，趁今晚冇煮饭就带佢黎旺角食依间乐天大喜屋，之前我都食过几次，味道唔错架😚😚一坐低紧系即刻网上落单先，跟住就出去自助区拎熟食同饮品，自助区有分熟食、水果、饮品同甜品等，款式几多架🤩最值得一提既系佢地有清酒任饮，自问饮得既朋友仔，饮sake都可以饮到回本🤣Round 1当然系刺身同寿司🍣刺身必点甜虾带子，每只甜虾大只之余仲好新鲜🤤食到停唔到口，最欣赏佢地寿司size唔会太大旧，饭亦都唔多，一啖一件，食多几件都唔会好快饱😙最正系芝士吉列炸虾卷，外脆内软，配埋芝士一流👍🏻另外都叫左唔少炸物同小食，当中蒜蓉粉丝蒸带子味道唔错，带子大只又鲜甜😋仲有牛油煮大蚬又香又鲜🤤重点推介榴梿炸弹，榴梿味十足，入面仲要系榴梿蓉tim，超正😍😍😍大喜屋放题真系一如以往咁抵食，埋单每人都唔洗三百蚊，两粒钟饮饱食醉，大满足，唔怪得长期都咁多人等位😝