上海小籠皇 (已結業)

今日行过烟厂街，睇到哩间餐厅提供晚市双人套餐，平平地300几已经有数款小菜，咁试试啦。餐厅装修得古香古色，两人都能安排4人位，唔错。热奶茶同热鸳鸯，入口茶味好香，饮落有少少回甘唔会觉得苦，落咗少少糖更加好味。盐水鸭，香港好少见嘅冷盘。盐水鸭要做得好很花功夫，哩间餐厅做得唔错。鸭肉紧实，盐落得啱啱好，食落唔会好咸。湖南花菜炒腊肉，话系腊肉，其实似回锅肉多D。哩碟𩠌好够镬气，大火逼出猪肉油脂，再加入辣椒爆炒，花菜脆口得来又好惹味。酸菜鱼，分量都几大下，唔单止有鱼片，仲有大量薯粉，莴笋片，黑木耳等配菜。鱼片嫩滑冇骨，入口即化，搭配咸香酸菜，食到停唔落口。自选干锅，拣咗孜然锅底同牛肉片，墨鱼丸同午餐肉三款𩠌。锅底酱香味十足，小辣都唔会好辣。其中牛肉片同锅底最夹，嗦晒锅底酱香味，食落好惹味。套餐仲会搭配两碗白饭，两人套餐分量十足，食完劲饱，最后都唔食白饭啦。