影片
更多
2017-08-14
538 浏览
好耐都无返去成长之地石硖尾, 想当年喺𠮶度住, 真系苦乐参半. 最怀念就系𠮶度𠮶啲平靓正美食, 好似蛋挞, 面包, 瑞士雪糕雪条, 猪油渣粉仔, 白粥油炸鬼, 炸薯饼, 红豆凉粉等等. 多到真系数唔哂, 家阵买少见少啰! 所净真系无几. 𠮶日只乸话要扐只烂鞋出去石硖尾街市整, 咪就下佢, 先出去整完鞋先食晚饭啰! 反正十年八载后, 俚班老柴仙游后, 想整都无得整啰! 石硖尾俚间新金宝茶餐厅, 系石硖尾第二代嘅舖头, 第一代𠮶啲, 喺耀东街仲有一两档, 迟啲就....!! 年底可能....?? 放低对鞋个阿叔话, 一个钟后有得攞! 咪揾间餐厅医肚先. 见俚间餐厅门面都ok, 咪坐低叫咗个盐焗鸡饭套餐.水准一流, 有以前东卢大厦𠮶间中央饭店, 北河街口附近间泉章居咁嘅味道. 先送例汤, 后仲有奶茶咖啡送, 应真低食. 两个人食咗一个套餐, 48蚊找数, 班伙计同老细, 多谢前多谢后咁送出门口. (俚句跨咗少少!) 总之, 唔系一定贵嘢, 高级餐厅先至有好嘢食嘅.
盐焗鸡饭套餐
$48
26 浏览
0 赞好
0 留言
水准一流, 有以前东卢大厦𠮶间中央饭店, 北河街口附近间泉章居咁嘅味道. 先送例汤, 后仲有奶茶咖啡送, 应真低食. 两个人食咗一个套餐, 48蚊找数, 班伙计同老细, 多谢前多谢后咁送出门口. (俚句跨咗少少!) 总之, 唔系一定贵嘢, 高级餐厅先至有好嘢食嘅.
张贴
