六合小廚 (已結業)

天气冻左，喺尖沙咀行完街想食番啲暖胃小菜，就上咗去平时lunch time 会去嘅六合小厨，试下佢啲晚歺。因为时间尚早，人唔算多，一入到去就安排我地坐卡位。再睇吓个晚餐餐牌， 除咗小菜之外，仲可以食火锅 ，套餐，仲有炒蟹。最终点咗个228蚊嘅2人套餐。见咁平，我就加多个胡椒猪肚汤 。2人套餐有碟惹味口水鸡 ，一个热辣辣嘅鱼香茄子煲 同一碟蚝油菜心，包白饭。口水鸡好嫩滑，仲有鸡脾肉，正! 鱼香茄子煲唔太辣，唔太油，啱啱好。猪肚汤好足料，好多汤渣，仲有唔少嘅排骨。 最后埋单都只不过系328蚊，无加一，可以用咁嘅价钱喺尖沙咀食到咁饱，好抵食！下次会同多几个人嚟试下个炒辣蟹套餐。不得不提，呢到啲伙记好有礼貌，仲非常好笑容添。