牛摩+ (新都城中心二期) (已結業)

冻冻地想打边炉，近近地去左新都城间牛魔食放题，用下果个每月任食$999 E-Pass优惠，因为呢个美国IBP件板腱只需加$39。呢间放题间中都会食，佢既牛质素好高，而且其他配菜比之前有更多选择。今次拣左美国IBP 牛板腱套餐。牛板腱同肩胛位都属于脂肪少既部位，唔系sell嫩滑，但我钟意佢够肉味同弹性，食多两碟都唔怕肥，瘦身／增肌人仕啱晒。另外牛舌同羊肉都值得一再encore. 自取区有蔬菜/菇菌类/丸/面/沙律，摆放都干净衞生。除此之外，QR code落单仲有好多小食，个人推介必点有牛摩饭、温泉蛋、青口、帆立贝、鱿鱼仔、迷你甜薯同炸饺子。炸物特别出色，够热够脆又唔油。甜品必食一定系自助乳酪味雪糕。值得再一提系牛摩较早前有个好抵既优惠，唔洗1千可以1个月内任食牛板腱餐放题，仲可以每次按需要加钱升级更高等级放题，够晒弹性，同行朋友仲有折扣优惠，抵到烂。无论食量如何，食5次已经回本。不过唔知12月会唔会再出，一出必买，买到赚到。当日所见，都几受大食既学生哥欢迎。