影片
更多
2010-07-25
32 浏览
上次大班同事嚟过一次，觉得料足又几好味，寻晚约旧同学庆生，推介呢度，再食一次，仍然order每人$228嘅鲍参翅肚招牌菜式，保持水准呀~尤其果碟「花雕蛋白蒸海红蟹」，有少少花雕味嘅蛋白幼滑清香，蟹肉「实净」有鲜味，食得出好新鲜，其他好似「鲜蟹肉扒生翅」呀、「招牌三色虾」呀咁，都好足料大家都食得好满意，猛话下次再嚟~原本无习惯写「食后感」，但饭后大厨何先生入嚟问我哋意见，佢讲讲吓，忍唔住同我哋诉苦，话近排有人喺网上抹黑，恶意批评，佢话私房菜讲口碑，呢啲不尽不实的食评，对佢哋影响好大，有食客睇完取消booking，话希望我哋食完之后，可以如实报道，还佢一个公道咁话。所以，小妹只好处女下海，写一次食评，算对得住「做好呢份工」嘅何大厨~鲜蟹肉扒生翅.：翅一梳梳，好足料，每人可分到两碗。蟹肉夹著鱼翅，鲜甜，好好味。不过，依家好多朋友都响应「唔食鱼翅」运动，唔要呢味，应该可以同何先生商量，改其他都无所谓，私房菜嘛~花雕蛋白蒸海红蟹：非常出色。有少少花雕味嘅蛋白幼滑清香，蟹肉「实净」有鲜味，食得出好新鲜，我个人认为是是日最佳，好好味。原只鲍鱼扣山珍海味：原只鲍鱼好大只，我啲朋友见到哇哇声，不过我就嫌
原本无习惯写「食后感」，但饭后大厨何先生入嚟问我哋意见，佢讲讲吓，忍唔住同我哋诉苦，话近排有人喺网上抹黑，恶意批评，佢话私房菜讲口碑，呢啲不尽不实的食评，对佢哋影响好大，有食客睇完取消booking，话希望我哋食完之后，可以如实报道，还佢一个公道咁话。所以，小妹只好处女下海，写一次食评，算对得住「做好呢份工」嘅何大厨~
鲜蟹肉扒生翅.：翅一梳梳，好足料，每人可分到两碗。蟹肉夹著鱼翅，鲜甜，好好味。不过，依家好多朋友都响应「唔食鱼翅」运动，唔要呢味，应该可以同何先生商量，改其他都无所谓，私房菜嘛~
花雕蛋白蒸海红蟹：非常出色。有少少花雕味嘅蛋白幼滑清香，蟹肉「实净」有鲜味，食得出好新鲜，我个人认为是是日最佳，好好味。
原只鲍鱼扣山珍海味：原只鲍鱼好大只，我啲朋友见到哇哇声，不过我就嫌鲍鱼比较淡口，但讲真，咁嘅价钱算好超值，加埋啲花胶、花菇呀咁，都算唔错。
清蒸老虎斑：可能之前太惊喜，条鱼反而无咩特别，但都蒸得啱啱好~
天下第一鸡：煮得好有住家feel，只鸡瘦瘦哋，但有肉味~
招牌三色虾 ：三拼组合：黄金虾,+美极虾, +芝士虾丸 虾肉爽口又新鲜，三款都好好食，不愧系招牌菜~
金银粉丝蒸元贝：几惹味，但唔算好出色，无咩特别~
瑶柱扒西兰花 ：无咩特别~
飘香炒饭 ：炒得好干身，唔错~
总评：连生果拼盆，呢个「海鲜餐」的确好抵食，味道也是水准以上，唯一美中不足系我哋在菜单以外加咗十个寿包，明显属预制货色，莲蓉唔够香，又无蛋王，水准以下，我哋事后都有同何先生交流意见，他说一定会接受意见，又谓订位时可以预先要求想食有蛋王的寿包，他可以张罗，仲坚持唔收我哋是晚嘅寿包钱，搞到我哋都有啲唔好意思~
讲真，私房菜都系讲诚意心机嘅生意，何先生一个人做大厨，太太做帮工，经营不容易，寿包属小问题，用预制货可以体谅，不过从消费者角度，十蚊一个不便宜，如果水准可以改善当然更好。事实上，何先生也愿意听取意见，整体而言属有诚意兼抵食的私房小馆，值得推介~
张贴