魚心日本料理 (已結業)

星期日午餐本来想去一间同朋友食开既女人街韩国野，途经呢间野又见到d午餐又几抵，于是就转啦😅，1200入去都好多人，心谂大概唔伏得去边啦挂🤣坚系大件夹食，自觉都算大食，朝早冇食早餐🙈，但食哂真系觉得几饱，虽然小店寿司质素始终不能同出名店舖比，但真算唔错，芝士同沙律酱夹埋系几好食，话系细卷但我觉得都几大旧吓😂。呢个价钱有6件咁多，都几有良心，不过佢拉面系冇其他𩠌既～个人觉得面较重面粉味，但唔算好难食，份量比我食既同区日本野食店都多，而且仲送汽水，仲系樽装即开添‼️不嬲都唔饮汽水既我都觉得几吸引，呢个lunch set整体都好抵食👍🏻店舖卫生睇落都👌🏻，只系装修残旧，我食果份睇落系干干净净🤣，舖面唔大，一大班人一齐食应该要分开坐。