海宴樓 (已結業)

海宴楼以本地海鲜做生招牌，就即管去试试。位处不太显眼嘅佐敦荟，装修就冇咩特别，走街坊派路线。我哋去到楼面都几快有位。始终食物先系重点，佢地解释本地车蚝，因为唔系度度地方有得食，同埋好多人都同其他蚝混淆咗，所以佢哋会细心解释，我哋得两个人，佢哋话就算叫两只都得，咁就试啦，入口几爽甜，口感鲜嫩。猪肺汤系推介，用杏仁汁同矿泉水「淆」，非常滑同清甜。我哋两个人其实食唔到太多海鲜 (除咗车蚝仲有叫青口同炒蚬，炒蚬就普通咗啲)，佢哋冇只系一味介绍海鲜，而推介咗家常便饭既西兰花墨丸，墨丸好味兼弹牙。而埋单几钱？$500有找，唔系下下只用噱头赚尽，值得一试。