Mee...lemongrass (已結業)

同朋友喺铜锣湾行街行到晚饭时间，佢话知道皇室堡地牢有间食东南亚菜的餐厅唔错于是就带左我去食。餐厅果然好多客。朋友推介下我哋叫左呢几样食物、软壳蟹米纸卷6件($68)、招牌无骨海南鸡饭($80)、槟城炒贵刁($76)、香芒椰汁糯米饭($48)。上菜速度好快，唔洗几分钟餐厅已经送上软壳蟹米纸卷，咁啱适合做餐前小食，除左软壳蟹好松化外，米纸入面的菜、彩椒、芒果同牛油果都好新鲜，彩色缤纷，好食得嚟颜色亦好吸引。招牌无骨海南鸡饭，虽然饭量稍为少左D，不过鸡肉食落嫩滑好有鸡味，配埋两种酱汁，够晒好味，唔怪得望落去有咁多枱客都有叫嚟食。槟城炒贵刁($76)，配料有虾、青口、鱿鱼、鱼片等，味道咸甜中带辣，炒得都够火喉，又唔油腻，好惹味！香芒椰汁糯米饭，糯米饭有香浓糯米味，口感软身得嚟唔会太几腍或太黏，配埋香滑嘅椰汁同新鲜嘅芒果，呢餐品尝咁多东南亚美食，埋单都唔洗$300, 无得输！