果子｜海南雞飯·喇沙摻摻 (啟昌樓) (已結業)

同friend去左太和食晚餐，黎左呢间餐厅食东南亚菜。我地叫左两个晚餐set，叫左一个海鲜喇沙掺掺，同埋一个南乳鸡翼捞面。晚餐set系配野饮嘅，我地就叫左两杯热柚子茶。海鲜喇沙掺掺味道不过不失，胜在海鲜嘅数量好多，有好多只虾同蚬。而南乳鸡翼捞面就比较好食，捞面好香。鸡翼亦都好惹味，南乳味十足。另外仲有鸡汤一碗。另外，我地都跟餐加$18叫左两个小食，有白云酸辣凤爪同埋马铃薯炸虾卷。酸辣凤爪嘅味道酸酸甜甜，再有啲辣味，十分开胃，仲可以中和一下其他食物较浓嘅味道，配搭主食唔错。而马铃薯炸虾卷就不过不失，都几香口，点辣酱食较好食。另外，我地仲叫左个小食，白汁煮蓝青口，呢个系我地叫嘅野食入面最好食，青口好新鲜，配上白汁嘅味道好夹。佢上菜嘅碟垫都好靓。最后，我地叫左个紫薯牛乳慕丝，跟餐价系$22。呢个蛋糕都上得好靓。蛋糕有香浓嘅牛奶味同埋淡淡嘅紫薯味。