美味故事 (已結業)

星期日晚同朋友去咗旺角呢间楼上Cafe食晚餐，地理位置都比较难揾，环境幽静，不失为一个同朋友促膝详谈嘅好地方。而且一入到餐厅，就被角落头嘅夹band乐器所吸引，唔知平日系咪有人驻唱夹band呢～睇一睇个餐牌，选择都几多，我同朋友就拣咗慢煮完只去骨春鸡配黑椒汁同慢煮西班牙黑毛猪安配焦糖苹果酱，嘢饮方面叫咗玫瑰养颜花果茶同抹茶拿铁。主食方面，份量都相当惊人， 10分抵食。讲明原者烧春鸡，真系大大只足料咁俾你。猪安方面都真系又厚又大块，抵食！跟set仲有南瓜汤同蟹子温泉蛋沙律，前菜来讲份量都系相当大份。另外系我哋未叫任何嘢食之前，餐厅都好细心咁送咗两细杯西瓜沙冰，对好口干嘅我来讲，都真系相当贴心，值得一赞。