大喜屋

营业中

休息中

喺香港食放题，相信大家对大喜屋都绝对唔会陌生。以晚市around 268至300嘅价钱，都真系非常抵食。依家食放题又点可以单纯刺身寿司呢啲咁简单呢，喺度除左可以食到刺身、寿司、炸物、烧物呢啲日式食物之外，仲有唔好嘅特色料理，就好似蟹粥、花胶、炸乳鸽咁，直头好似酒店自助餐一样。呢度嘅刺身寿司都好新鲜，而且真系画左几多就俾几多你，真系抵赞。料理嚟讲我好欣赏佢嘅醉鲍鱼同鹅肝多士。鲍鱼够腍身同入味，鹅肝多士够香，食完一round又一round。除左手机点单嘅美食，自助吧枱都有大量前菜小食可以拎，系估唔到连点心都有，真系照顾到唔同人嘅需要。饮品方面，有个大雪柜，茶饮汽水啤酒样样齐唔在讲，竟然连清酒同生啤都有。当然亦唔少得有多款甜品同雪糕任食啦，咁抵食真系不得了。呀，如果你系榴梿迷，记得点埋个烧榴梿，包你唔会后悔。