牛繁 (MW Plaza) (已結業)

约咗好友食饭， 近尖沙咀金巴利道𠮶边，多数都谂住食韩国料理， 但经过一间颇有 日本烧肉feel嘅餐厅， 心思思入咗去。店舖装修果然有日式烧肉嘅风格和气氛。 更提供locker畀客人存放袋或衣服， 免被烧烤烟熏到。埸内抽气系统稍弱~睇返餐牌介绍， 总店果然源于日本。 烧肉选择多样化， 牛肉更系有两板介绍～～ 不知选哪一款好。 小食，熟食，选择则唔算多。特上牛胸腹肉$98牛胸腹肉好松软， 虽未至于入口即溶， 不过咬落肉味浓，而且有甜甜地嘅腌味。特选猪五花$68选用了柚子盐作腌制， 个人觉得味道太浓，抢去五花腩本身嘅味道， 还好肉质唔韧， 肥瘦相间，相当美味可口！盛冈冷面$68炎夏天气 特别喜爱吃冷面。可以自已加入果醋， 个人意见加少许就够因为醋汁颇酸。 冷面够冰凉，烟韧， 加咗辣辣地嘅泡菜青瓜丝和苹果片， 配搭清新又够醒胃!壶渍牛肋条$108抵食嘅推介项目， 两条份量不少嘅牛肋肉， 肉味浓但肉质唔算软嫩。 壸里还有红椒，青椒， 颜色和卖相都够晒抢眼。 特别还附上日本葱花， 放在刚烧好嘅烧肉上，蒽香味令烧肉味道更提升！