第一郡 (已結業)

平时同朋友岀街都系食日本野一系就食韩国野，食得多都好似无乜新意咁，上次见番一个好耐无见既朋友，大家不约而同都话想食间平平地又特别既餐厅，上网见到啲评价都唔错就走左去食啦。餐厅都唔算难揾，系地铁站附近，收工过去都好方便，岩晒系港岛区番工既我地。去之前做定功课，叫左个招牌菜-蟹膏蕃茄汤檬，本身好怕蟹膏唔新鲜/捞左落汤到会好奇怪，点知有惊喜㖞，蟹膏饼捞左蛋一齐整，入口即溶，似冰豆腐，好有蟹味，好香好鲜甜，浸落个汤底吸晒啲精华仲好味，个汤底都好加分，以鲜蟹熬制，不但有蕃茄的酸味，仲有浓浓蟹味，食得岀无味精，似煮左好耐既心机菜。入面有越南野唔少得既越式扎肉，大大块札肉，猪肉味够浓，口感好爽口，唔似其他餐厅浸两浸就淋晒，食到啖啖肉既口感小食叫左米纸虾卷，餐厅用蕉叶包住米纸虾卷，半透明既米纸皮好烟un，入面有虾，香草，猪肉，仲有檬粉添，配料好几丰富，老板教我地点埋𠮶个用花生碎，酸萝卜丝制成既酱汁一齐食，口味更加特别唔讲唔知原来蕉叶撕一半食，仲唔洗整污糟只手添！朋友叫左三色蛋猪扒饭，估唔到呢个都好惊喜㖞，入面有块蟹饼，同汤𠮶块唔同架。呢块爽口啲，猪扒啖啖肉，够入味唔会太咸，大大碟男仔食都会够饱！野饮方