榮記茶餐室

营业中

休息中

一直都想试一次煲仔沙嗲牛肉面，奈何地点实在太唔就脚，今次要去慈云山朋友屋企终于有机会试。我系早餐时间去嘅，10点几，问姐姐咁早有冇，好彩都有。之前睇食评话份量都好多，谂紧好唔好share一个。姐姐话其实都系得一个面底，咁就嗌左一人一个。点知嚟到的确系一个面，但系牛肉就劲多，食极都仲有，最后放弃净返嘅面食晒牛肉就算，七十几蚊咁多牛对我嚟讲算好抵食。牛系用鲜牛，好香花生味，系我钟意嘅style，个面食到尾都唔会好淋不过系咸左啲啲。唔知个姐姐系咪老板娘呢，服务态度非常好。我觉得绝对值得一试嘅。