影片
更多
2024-10-21
133 浏览
一餐Thai，劲多海鲜，劲丰富，但劲抵。可能吗？可能。行入旺角金鱼街(宠物街)，除咗有好多街边小食同茶记，仲有间泰厨，好受街坊欢迎。点解？打开餐牌，完全明晒。一堆堆难以置信嘅价钱 、套餐，仲有额外优惠等等。但同时地方尚算阔落，唔会坐到好迫。净系咁，未食嘢，我都已经觉得好难输了。泰式生虾 (食满$300/$600加$1/$2)价值$2嘅8只泰式生虾(?)，质素系超过其他餐厅嘅正价版本。新鲜，大只，弹牙，但最紧要其实系够冻。串烧鸡/猪$18，猪颈肉/和牛$28串烧相当厚肉，咬落好大啖，串烧汁就一定系好食。比较特别嘅，系和牛用嘅系酸酸地嘅汁，开胃又解腻。跟住系一系列海鲜…泰式炒白贝 $120嚟到系相当大盘。白贝即系大只啲嘅蚬。呢度菜式酱汁相当够，而且完全冇沙。两个人食足够有余。蒜爆鲜海虾 $109正常食咁重味嘅海虾，都系要慢慢剥壳。但呢个海虾特别啲，我好多只都连壳食😂。份量味道，相当足够。泰式烧鱿鱼 $140全晚最抵食嘅菜式。一个鱿鱼可以分开两排，可想而知佢原本几大条。我哋夹嚟夹去好似食极都食唔完咁。肉质相当鲜嫩弹牙，完全冇我讨厌嘅痴牙质感，酱料亦相当香口合适。泰式姜汁冻奶茶 $22相当奇特
可能吗？可能。
行入旺角金鱼街(宠物街)，除咗有好多街边小食同茶记，仲有间泰厨，好受街坊欢迎。点解？打开餐牌，完全明晒。一堆堆难以置信嘅价钱 、套餐，仲有额外优惠等等。但同时地方尚算阔落，唔会坐到好迫。净系咁，未食嘢，我都已经觉得好难输了。
泰式生虾 (食满$300/$600加$1/$2)
价值$2嘅8只泰式生虾(?)，质素系超过其他餐厅嘅正价版本。新鲜，大只，弹牙，但最紧要其实系够冻。
串烧
鸡/猪$18，猪颈肉/和牛$28
串烧相当厚肉，咬落好大啖，串烧汁就一定系好食。
比较特别嘅，系和牛用嘅系酸酸地嘅汁，开胃又解腻。
跟住系一系列海鲜…
泰式炒白贝 $120
嚟到系相当大盘。白贝即系大只啲嘅蚬。呢度菜式酱汁相当够，而且完全冇沙。两个人食足够有余。
蒜爆鲜海虾 $109
正常食咁重味嘅海虾，都系要慢慢剥壳。但呢个海虾特别啲，我好多只都连壳食😂。份量味道，相当足够。
泰式烧鱿鱼 $140
全晚最抵食嘅菜式。一个鱿鱼可以分开两排，可想而知佢原本几大条。我哋夹嚟夹去好似食极都食唔完咁。肉质相当鲜嫩弹牙，完全冇我讨厌嘅痴牙质感，酱料亦相当香口合适。
泰式姜汁冻奶茶 $22
相当奇特嘅饮品。大量姜味嘅奶茶，反而令人觉得置身泰国。落单时可以叫少甜/少冰，甚至可以叫佢”浓啲”。
泰式椰汁燕窝 $72
作为甜品，呢个系隐藏大佬。好热好甜好椰汁，最重要系大量嘅燕窝，饮完个人舒服晒。
两个人五百几蚊，食到好似大型海鲜餐咁。睇到个个街坊食完又食，呢度一只蟹，𠮶度一条鱼，个个行去cashier都good comment一番 (我坐cashier后面)。所谓街坊餐厅，就系咁简单。
张贴
