篤篤船麵 (V Walk)

营业中

休息中

今日黎v walk打算食个快饭，见到都几多人就入黎食泰国野。餐厅款式都几多，不过好似主打船面。我同朋友各自叫左一碗面加小食，再share个甜品都系200几蚊好抵食。冬阴功鱼蛋金边粉。好大碗，而且味道香浓，金边粉煮得刚刚好，有咬口。杂锦船面有鱼蛋，猪肉丸，牛肉，猪红，好足料。汤底味道浓郁，甜甜地又香，都几正宗。小食方面叫左青木瓜沙律同鱼饼。鱼饼炸得好香，咬落弹牙有鱼味。青木瓜沙律份量多，味道就同平时食开嘅差唔多，都几唔错不过可以辣d。甜品最有惊喜，系斑斓千层糕。热辣辣软淋淋，点埋d带有咸味嘅椰汁都几好食。整体餐厅上菜速度好快，装修系街头风都有心思，呢个价钱难得唔洗搭台，或者台同台之间好迫，都真系好唔错。