影片
更多
2018-07-04
360 浏览
食泰国嘢食嚟食去都系𠮶啲，见到依间餐厅有船河，而且价钱又平又大碗，所以揸车嚟食。不要对餐厅内部装修有太大期望，预咗随时会有冷气机滴水，滴到你啲嘢食。地方尚算宽躺，入座时差不多九点所以冇咩人，两个人坐咗张10人枱，虽然远离厨房，但仍然有啲油烟攻眼。叫咗个生虾刺身、船粉(金边粉）、咖喱海鲜包同埋椰青。生虾刺身有惊喜， ＄88 有7只虾，大大只好新鲜，虾头仲要炸到脆卜卜，好好味。船粉好足料，有猪肉丸，猪肉，一条条唔知咩嚟但系都几香口，分量好大可以两个人食。咖哩海鲜包南瓜比较多，海鲜比较少，都好味ge, 仲有好多九层塔，香料方面一啲都唔吝啬。建议趁热食，因为耐咗个包会谂。同埋咖啡汁多又比较咸，可以叫多个薄饼点下。椰青好好饮好清甜啊，刮埋入边啲肉食，好似豆腐花咁好滑，大赞！两个人食咗＄260左右，唔使加一，非常抵。好味程度：生虾刺身>椰青>船河>咖哩海鲜包
好味程度：生虾刺身>椰青>船河>咖哩海鲜包
咖喱海鲜包
$98
20 浏览
0 赞好
0 留言
生虾刺身
$88
16 浏览
0 赞好
0 留言
张贴
