泰廚泰國菜館

营业中

休息中

喺旺角经过开呢间餐厅，应该都发觉每次都好多人喺门口等位。但系今晚因为有啲野做，九点几先食晚饭，呢个时候去就最好唔使点等位啦。 因为同朋友都唔系好食得辣，所以就嗌左几样唔辣嘅嘢，食泰国嘢通常都系要食辣嘅，但系呢几日唔辣嘅菜式都做得相当唔错。菠萝炒饭嗌左一个必叫嘅菠萝炒饭，喺其他地方食菠萝炒饭通常都好细，但系呢一间嘅份量非常充足，亦都好足料。炒饭上面有一层厚厚嘅肉松，入面有好多唔同种类嘅海鲜，好似鱿鱼啊青口啊，好满足。泰式炒金边粉呢个金边粉亦都非常惹味，甜甜地加埋啲青柠汁又有少少酸味。重点系配料亦都好多，所以呢一个亦都非常唔错。铺头门口其实系有得买外卖串烧，而堂食嘅串烧呢就可以分开沙嗲酱上啦。呢间铺头其中一个卖点就系，一星期每一日都有唔同嘅优惠。我去食𠮶日系星期一，就系食满＄200 ,就可以加一蚊换泰式生虾。味道都OK ,一蚊嘅话真系好抵食啊！最后埋单每人唔使＄130 , 都算几抵食呀！