友誼泰國菜館 (已結業)

朋友带我去九龙城食泰国嘢，我第次黎呢间，2个人叫左鲜虾炒干河（HKD68），咸鱼炒椰菜苗（HKD68），同店员推介柠檬烧牛肉（HKD108）。PS. 唔记得影餐牌，价钱属印象派。我几钟意个炒河，虽然话系干炒，但系一d都唔干身，少少湿。应该用甜豉油炒，唔会太咸，甜甜地，最重要够镬气，有dd焦香啱晒我心意，一个人食都可以当lunch食。炒椰菜苗就正常嘢，无咩特别，如果d苗可以再嫩d仲正。其他枱都有叫柠檬烧牛肉，应该系佢地招牌之一，肉嘅表面有d脆口。虽然话柠檬烧，但出奇地唔酸，少少咸。烧到里面仲有少少生生地，啱啱好唔流血。不过肉同脂肪嘅比例系1：1........如果可以少d脂肪就好喇。